Galicia é como unha nai, que xesta no ventre os seus froitos con paciencia, con agarimo, con esforzo, con sacrificio e cun amor infinito. Os seus froitos saen do mar, da terra,... e son torneados con sabiduría e tenrura polas mans de centos de produtores que tratan con delicadeza as materias primas máis preciadas que Galicia garda no seu seo.

      Os produtos que nos regalan o mar e a terra, as marmeladas caseiras, os doces, as conservas, os queixos,... os licores e viños galegos levan nas veas o sangue da súa Nai, que non é máis que a esencia da natureza pura, das raíces máis aferradas á Terra e dunha identidade común.

     Galicia é tamén Fogar. Un lugar no que cada un pode experimentar a dozura e calidez que sente na súa propia casa. Coidamos con mimo e dedicación centos de aloxamentos que se integran con respecto na natureza para ofrecer a miles de visitantes a oportunidade de vivir Galicia, de gozar do regalo impagable de sentirse un máis no noso Fogar.